Plirs producents da substanzas olfactoricas vegnan suspectads d'avair fatg giu pretschs e quantitads da producziun. La cumissiun da concurrenza svizra Weko, sco era las autoritads da l'UE, Gronda Brittania e dals Stadis Unids han inizià investigaziuns communablas.
Sco la Weko scriva, sajan tranter auter pertutgads il pli grond producent mundial Givaudan e Firmenich da la Svizra. Substanzas olfactoricas vegnan tranter auter duvradas per parfums u meds da schubregiar.