A Tälfsch en il Partenz è in auto vegnì giu da la via e collidà cun ina stalla. L'automobilist è sa blessà lev. Sco quai che la polizia chantunala communitgescha è l'um da 75 onns charrà enavos cun l'auto.
Latiers è el vegnì giu da la via, ha tutgà in crap ed è charrà la spunda taissa giuador fin ch'el è collidà cun ina stalla. Ina terza persuna ha tgirà il blessà enfin che las forzas da salvament èn arrivadas. La Rega ha sin quai transportà l'um en l'ospital chantunal.