Il Cussegl federal ha decis da reducir ils daners dal Center mundial per studis da radiaziun a Tavau. Concret vai per 1,5 milliuns francs ad onn. Raschun saja la situaziun finanziala da la Confederaziun. La finanziaziun dal center na saja però betg periclitada: tranter auter grazia al sustegn da la vischnanca da Tavau e dal chantun.
Il center procura che tuttas staziuns meteorologicas sin l'entir mund fan lur mesiraziuns da radiaziun sin ina basa unitara. Quai grazia ad ina incumbensa da l'organisaziun mundiala. Per pudair giuditgar la midada dal clima, stoppia la radiaziun dal sulegl esser enconuschenta a moda precisa e perquai vegnir mesirada permanentamain.