La destinaziun turistica Tavau Claustra ha organisà la dumengia ina cursa da scarsolas per amaturas ed amaturs, ensemen cun Red Bull. Passa 500 participants e participantas han tenor Samuel Rosenast da Tavau Claustra pendì part. La cursa manava giu la via serrada dal pass dal Flüela, sin in tschancun da 5,65 kilometers.
Il pli spert participant ha be duvrà radund otg minutas per la cursa. Gudagnà ha dentant ina equipa da dunnas, cun stgars 27 minutas. I na gieva numnadamain betg per il pli spert temp, mabain da tutgar uschè bain sco pussaivel il temp intermediar da tut las schlittas. Dasperas hai era da in premi spezial per il meglier costum.