En il Flüelabach, sin il territori da la vischnanca da Tavau pon vegnir construids rempars. La regenza grischuna approva in project correspundent. Dals custs totals da radund 650'000 francs surpiglian il chantun e la Confederaziun maximalmain 357'500 francs. Quai tenor la cunvegna da program da la Nova gulivaziun da finanzas.
En ils auals da las vals lateralas da la vischnanca da Tavau existan gia dapi pli ditg deficits da protecziun, scriva il chantun. Ils rempars existents han fin 140 onns. Per part èn ils rempars donnegiads e dovran ina sanaziun. En il rom dal project approvà vegn construì in uschenumnà «rastè tandem» en il sectur Färich, che po retegnair fin maximalmain 300 meters cubics laina da grava senza in'accumulaziun pli gronda da l'aua.