Per investir en la furmaziun ha il Grosser Landrat ch'è il parlament da la vischnanca da Tavau, approvà unanimamain in credit. Pertutgadas èn la scola primara e la scola intermediara. Ils daners èn per bajegiar ed introducir ina scola dal di. La vischnanca da Tavau decida il matg a l'urna davart il project d'engrondiment.
Quel pertutga il tract intermediar da circa 50 onns che sa chatta tranter la chasa da scola dal stgalim superiur e la chasa da scola primara. Quintà vegn cun custs da 17,5 milliuns francs, sco la Südostschweiz scriva.
Nova zona industriala
Sper la nova scola ha il parlament era deliberà unanimamain la revisiun parziala da la planisaziun locala. Cun quella vulan ins stgaffir ina nova zona industriala en vischinanza da Tavau Frauenkirch. Era davart quai po il suveran decider a l'urna.
