Las Pendicularas Rinerhorn vulan construir in’ovra idraulica pitschna en il territori da skis. Quai resulta da la dumonda d’approvaziun en il fegl uffizial dal chantun. L’ovra cun duas turbinas duaja producir circa 1,2 milliuns uras kilowatt ad onn ed uschia optimar il surpli da las capacitads da l’indriz da far naiv artifiziala durant la stagiun bassa.
La dumonda per la lubientscha è actualmain accessibla per la consultaziun – quai anc enfin il prim da zercladur 2023.