Cunter la nova pendiculara planisada en la regiun da Parsenn sur Tavau, la Parsenn-Schiferbahn, datti recurs. Sco quai che la gasetta Südostschweiz scriva, hajan las organisaziun d'ambient WWF e Birdlife Grischun recurrì.
L'Uffizi federal per traffic ha confermà ils recurs. Las organisaziuns d'ambient pretendan che las consequenzas per l'ambient vegnian examinadas a moda schubra avant che las pendicularas da Tavau e Claustra survegnan la lubientscha da construcziun.
Il mainafatschenta da Birdlife Grischun Tom Bischof di envers las gasettas da Somedia, ch'ins na veglia betg exnum impedir il project. I n'haja dentant betg dà in'examinaziun da l'effect da las lavurs da construcziun sin animals e plantas, cunzunt betg sin utschels.
Las pendicularas da Tavau e Claustra vulan investir en la nova Parsenn-Schiferbahn 32 milliuns francs. Responsabels e responsabels na s'hajan betg sa mussà inquietads en connex cun il recurs. Planisà saja da demontar il runal il 2026 ed avrir il nov runal 2026/2027.