Siglir tar il cuntegn

Header

video
«4Reasons» cumbatta cunter sfarlattim da mangiativas – al WEF
Or da Telesguard dals 18.01.2024.
laschar ir. Durada: 4 minutas 10 Secundas.
cuntegn

Tavau Voluntaris spendran vivonda dal WEF

Il Forum mundial d’economia WEF a Tavau è in’occurrenza plain eveniments. Betg tut ils pasts che vegnan cumprads, vegnan dentant era mangiads. Cunter quel sfarlattim da vivonda vul il project «4Reasons» far insatge. Ina gruppa da voluntaris guarda ch'il foodwaste daventa pli pitschen al WEF.

Radund 25 persunas lavuran mintgamai gratuitamain per il project. Quest onn gia per la quarta giada. En il center da passlung datti la damaun café e cornets, e da mezdi vegn cuschinà. E cuschinà vegn cun tut quai che vegn rimnà. In menu fix na datti betg. Sin il plat vegn quai ch’è avant maun. Quai vul dir ch’i n’ha era betg adina charn durant il mezdi.

En tut furneschan 27 hotels, butias e furnarias la rauba per l’ustaria temporara. In pretsch fix per gentar na datti betg. Las donaziuns ch’ins rimna vegnan da bun ad in project social per uffants e giuvenils da Tavau. L’onn passà sajan per exempel vegnids rimnads dapli che 10’000 francs.

RTR Telesguard

Artitgels legids il pli savens