En sasez fiss l'onn passà stà l'onn da giubileum per l'uniun da teater da Domat – ella è numnadamain vegnida fundada l'onn 1971. La pandemia ha dentant sfurzà da spustar la represchentaziun da giubileum per in onn.
Ma uss èsi finalmain uschè lunsch. Dals 27 d'avust enfin ils 17 da settember vegn mussà il toc da teater «Anno Onna» – in gieu al liber ch'è vegnì scrit dal scenarist Felix Benesch aposta a chaschun dal giubileum. Il toc raquinta per l'ina l'istorgia da l'uniun, e per l'autra l'istorgia da l'eroxa locala Onna Maria Bühler. E quai tut cun ina buna presa umor.
Per ils commembers e las commembras è quai in grond plaschair da preschentar in toc, ch'è aposta vegnì scrit per quest giubileum spezial. Els èn loschs che l'uniun exista gia uschè ditg, ed è anc adina en in bun stan. Perquai èn els optimistics che l'uniun exista era anc ulteriurs 50 onns.
L'avust 2013 ha il Telesguard rapportà: