Siglir tar il cuntegn

Header

audio
Teater Cuira: Pertge è Roman Weishaupt ì?
Or da Actualitad dals 21.12.2022. Maletg: RTR
laschar ir. Durada: 5 minutas 43 Secundas.
cuntegn

Teater Cuira Weisshaupt chala – uschia vai vinavant

Il directur dal teater Cuira, Roman Weishaupt, na prolunghescha betg ses contract che va a fin cun la stagiun 2023/24. Quai scriva il teater en ina communicaziun a las medias. Weishaupt veglia prender per mauns novas sfidas professiunalas. El aveva cumenzà l'avust 2020 a Cuira sco directur en uffizi.

Il cussegl da la fundaziun dal teater cun il president Johannes Flury prendia questa midada da persunal sco pussaivladad da far patratgs strategics co cuntinuar cun il manaschi dal teater, en spezial en vista ad ina renovaziun da la chasa dal teater. Dispita n'haja dentant betg dà tranter il directur ed il cussegl da fundaziun, agiunta Flury.

video
Ils motivs pertge ch’il Teater Cuira sto tgertgar ina nova direcziun
Or da Telesguard dals 21.12.2022.
laschar ir. Durada: 2 minutas 23 Secundas.

Bleras visiuns, paucas resursas

I saja gartegià ad el, ensemen cun ses team, d'etablir il teater Cuira ils davos onns sco chasa innovativa e frestga, vegn Roman Weishaupt cità en la communicaziun. Quai sut circumstanzas difficilas, sco la mancanza da resursas e la pandemia.

Per Johannas Flury haja sa mussà che la visiun e lavur da Roman Weishaupt saja grev da metter d'accord cun las resursas existentas. Pia mancan ils daners? «Dapertut nua che jau sun stà avess jau gugent gì dapli daners, cler», di Johannes Flury. La fundaziun saja adina en contact cun la citad e cun il chantun, dentant dumandar dapli daners saja in lung process che cuzzia plirs onns, di Flury. Dentant baud u tard stoppia il teater vegnir renovà uschia che er la cunvegna da prestaziun cun la citad stoppia vegnir reponderada. «Ed en quest connex ston ins far ina analisa e guardar anc ina giada co enavant». Probablamain saja questa renovaziun planisada per la fin dal decenni, speculescha Flury.

audio
Teater Cuira: Surpraisa da separaziun da Weishaupt
ord Actualitad dals 16.12.2022.
laschar ir. Durada: 2 minutas 8 Secundas.

Or da l'archiv:

RTR novitads 17:00

Artitgels legids il pli savens

Scrollar a sanestra Scrollar a dretga