Il Cussegl da fundaziun dal Teater da Cuira ha in nov president. Johannes Flury, l'anteriur president da la Lia Rumantscha, è vegnì elegì sco successur dad Esther Krättli ch'aveva surpiglià l'uffizi ad interim e che n'è betg pli stada a disposiziun per ina ulteriura perioda.
Sco la fundaziun communitgescha vegn il nov president a cuntinuar cun realisar la strategia futura dal Teater da Cuira, quai ensemen cun las commembras ed ils commembers da la fundaziun ed il directur dal teater.