Teater «Hortensia Unlimited» - Ina femmage per l’emprima scienziada universala dal Grischun
Nagin che enconuscha ella – Hortensia Gugelberg von Moos von Salis. Naschida il 1659 è ella mai vegnida menziunada en ils cudeschs da la istorgia dal Grischun.
Ma da ses temp valeva ella sco l’emprima dunna che ha scrit in roman, sco gronda naturopata e sco ina emprima feminista. Perquai ha Corin Curschellas vulì metter questa dunna en il center da sia nova producziun. «Hortensia Unlimited» è in teater musical-multimedial. Giugà da Corin Curschellas, Asa Hendry, Nicole Knuth, Andrea Brunner, Lisa Laser, reschia: Shir Freibach. La premiera è proxima emna.