L'Integra Biosciences ha da nov access a tecnologia d'analisas geneticas. L'interpresa cun sedia a Zezras ha annunzià ch'ella cumpra Miroculus, in start up da la California. La tecnologia da Miroculus saja «revoluziunara», di il CEO da l'Integra Urs Hartmann.
Investar en la proxima generaziun da tecnologia da DNA
Miroculus vul far pli simpel analisas da DNA cun novs apparats e tecnologia. Ella vul far pli accessibla la tecnologia en il mintgadi. Per Integra munta l'investiziun in schlargiament da siu portfolio en l'industria medicinala. Miroculus cun sias 12 collavuraturas e collavuraturs vegnia integrà cumplettamain en la fatschenta. Il lieu da svilup restia però a San Francisco.
Or da l'archiv
video
Integra engrondescha sia sedia per passa 100 milliuns francs
Or da Telesguard dals 01.11.2021.
laschar ir. Durada: 3 minutas 27 Secundas.
