Ils meteorologs avevan admonì e gia vers mezdi eran els qua: Temporals ed uradis ferms ch'èn passads sur il Grischun ora. Uschia è vegnì rapportà da granella a Surrein u dad in ferm temporal ch'è passà sur mezdi da Domat sur Cuira vi or en direcziun Signuradi.
Ils gronds temporals en il rest da la Svizra èn vegnids ord la medema direcziun: Els èn passads da la regiun dal Lai da Bienna sur il Mittelland vers ost. Radund 20'000 giadas hajan straglischs dà en ed ils singuls granels da la granella sajan stads fin a 3 centimeters gronds, rapporta SRF meteo.
Oz mesemna datti in mix da sulegl e nivels. Localmain èsi puspè da quintar cun temporals. Tenor ils meteorologs vegnan quels dentant ad esser main intensivs. A Cuira datti radund 26 grads.
RR novitads 06:00