Siglir tar il cuntegn

Header

audio
Pendicularas Hochwang restan serradas
Or da Actualitad dals 19.05.2023. Maletg: Keystone
laschar ir. Durada: 4 minutas 3 Secundas.
cuntegn

Territori da skis en pitgiras Hochwang ha rimnà avunda daners per l'emprima etappa

Quest enviern è il territori da Hochwang serrà. Il settember ha ina gruppa d'interess dentant cumenzà a rimnar daners ed organisar ina gruppa che maina la fatschenta.

Per la stagiun 2024 e 2025 ha Hochwang dentant dumagnà l'emprima etappa. Envers SRF ha Peter Beeli da la gruppa d'interess ditg che 300'000 francs sajan ensemen. Per il pli hajan segundindigenas e -indigens contribuì, ed er il club da skis haja dà ina pli gronda summa. E da la vischnanca spetga il territori da skis anc insatge. Persunas dal lieu hajan plitost sa tegnì enavos, di Beeli.

Enfin la fin da l'onn duai er il cussegl administrativ esser occupads, differentas persunas hajan ins dumandà. Ed in mainafatschenta haja vul la gruppa d'interess tschertgar il schaner.

La proxima etappa per segirar il manaschi d'enviern è ina politica. La taxa da turissem vul la gruppa d'interess auzar. Da quella spetga ella lura 150'000 francs per onn. La dumonda vul la gruppa d'interess inoltrar l'emna che vegn a la vischnanca d'Arosa. L'augment dentant mo vegnir augmentada en ils lieus che profiteschan dal manaschi.

La pli gronda sfida saja dentant da rimnar enfin l'avrigl 500'000 francs. Beeli spetga da la populaziun e dal mastergn anc signals. Sche quai na gartegia betg, stoppia ins dar si ils plans.

RTR novitads 17:00

Artitgels legids il pli savens