Ina votaziun è gia annunziada ensemen cun ils plans. Ils 12 da december po la vischnanca Tavau decider sch'i dat in'ovra solara en il territori Parsenn. L'ovra duai producir 10 uras gigawatt electricitad, avunda per 3'000 chasadas. Annunzià ha la vischnanca Tavau quai en ina communicaziun da medias.
La vischnanca scriva, che las ovras d'electricitad Tavau han planisà ensemen cun la Stadtwerk-Allianz Swisspower SA. Purtaders e purtadras finanzials dal project èn Energie Wasser Bern, la furnidra d'energia da Basilea IWB ed Energie Thun SA. Las decisiuns d'investiziuns vegnian decis pli tard, uschia ch'ils purtaders e las purtadras pudessian anc sa midar.
Il november debattescha il parlament communal sur dals plans, ed il suveran vegn a pudair decider il december. La planisaziun saja gia avanzada lunsch, e tar in Gea da la populaziun cumenzian las lavurs il 2024 ed in'emprima part possia ir a la rait il 2025.
Update dals 3 da november
Il parlament ha approvà l'implant fotovoltaic, quai cun 15 cunter 2 vuschs.
