Siglir tar il cuntegn

Header

video
Tgi è Diego Deplazes propi?
Or da Telesguard dals 20.11.2020.
laschar ir. Durada: 3 minutas 56 Secundas.
cuntegn

Tgi è il nov secretari propi? «Jau patratgel e siemiel per rumantsch»

Tar la «petta rumantscha» na tutga Diego Deplazes betg anc. Il nov elegi secretari general da la Lia Rumantscha e in tip ch'è gugent en moviment e quai cun in tscheret tempo. Privat sco era professiunalmain.

La Rumantschia ha in nov secretari general per la Lia Rumantscha. L'um da 47 onns n'è dentant bitg exnum enconuschent en Rumantschia. Ensemen cun ses quatter uffants e sia dunna Iris, viva el a Rabius nua che el è creschì si. Quai duai restar uschia, sia funcziun vegn el a realisar sco pendulari en la citad da Cuira.

Privat è el fitg gugent en moviment. Saja quai a currer, per las muntognas, a far passlung ni lura er cun skis. Il temp ch'el piglia per la famiglia e oravant tut la fin d'emna.

Il Diego ha forsa in umor plitost sitg, el po era dar piztgadas mintgatant – però el ha in bun umor.
Autur: Iris Deplazes-Baselgia

Fitg a cor stat al deputà da la Partida cristiandemocrata era il poet e convischin Alfons Tuor. Probablamain era perquai che ses umor ha parallelas cun l'agen.

Actualmain lavura el anc sco manader dal Center da sanadad Puntreis a Mustér. La è el schef da circa 90 persunas. In bun tant dapli che en ses nov post sco secretari general da la Lia Rumantscha.

Jau sun in schef che emprovel da participar e lavurar ensemen cun mes collavuraturs. Dentant nua che jau stoss lura star bun la finala, là less jau era pudair pigliar l'ultima decisiun.
Autur: Diego Deplazes secretari general Lia Rumantscha

RTR Telesguard 17:40

Artitgels legids il pli savens