Il chantun Grischun fa ina pausa cun inventarisar objects degns da protecziun. La regenza grischuna scriva che la Tgira da monuments laschia il mument d'ina vart, l'elavuraziun da las glistas d'inventari. Ella desista dentant d'insumma sistir l'inventarisaziun, sco quai ch'ina incumbensa or dal Cussegl grond aveva pretendì.
Il 2019 aveva il Cussegl grond approvà duas incumbensas en chaussa – quai cunter la veglia da la regenza. Uss lascha quella sclerir la situaziun giuridica da l'inventarisaziun d'objects degns da protecziun.