Tgirar bab e mamma a chasa – gratuit u pajà?

Co savess ins sustegnair meglier persunas che tgiran confamigliars? Ina resposta sin questa dumonda pretenda Marcus Caduff da la regenza grischuna.

Dunna giuvna tegn il maun d'ina dunna attempada Bild in Lightbox öffnen.

Legenda da maletgs: Tgirar a chasa ils confamigliars n'è betg adina uschè simpel. Keystone

Il deputà en il Cussegl grond vul che la regenza sclereschia, co ins pudess gidar a persunas che tgiran confamigliars e co ins pudess cumbinar meglier la tgira da confamigliars cun l'atgna lavur.

En la medema direcziun sco l'incumbensa da Caduff van er diversas reacziuns tar la proposta per reveder la lescha per promover la tgira da persunas malsaunas. L'uffizi da sanadad chantunal vul reveder questa lescha senza tractar la dumonda da la tgira en famiglia.

Organisaziun sco la Pro Senectute e la Regiun Surselva pretendan dentant che er la dumonda da la tgira en famiglia fetschia part da la revisiun da lescha.