La Polizia chantunala vegn ad esser sin las vias grischunas cun lur patruglia. I vegn fat quint cun medem bler traffic sco ils ultims onns. Cun colonnas han ins vers sid oravant tut da far quint sin la A13 davent da Domat, nua che l'autostrada mida da dus vials sin in. Crescher pudess il traffic sin quest traject, sch'i vegn recumandà da guntgir il Gottard.
Resguardar giassa da salvament
Propi bler traffic spetga la polizia il glindesdi, cura che blers turnan dal sid vers nord. Per il cas ch'ins vegn en las colonnas, cusseglia la Polizia chantunala da restar sin l'autostrada e betg sviar sin vias chantunalas tras vischnancas. Da resguardar saja surtut da laschar lieu per la giassa da salvament.
Trens pli lungs e trens spezials
Ina moda alternativa per arrivar sur Pasca en il Tessin ed enavos porschan las Viafiers federalas. La SBB metta a disposiziun dapli vaguns ed er trens spezials che porschan durant ils 4 dis da Pasca 45'000 plazs supplementars.
RR actualitad 12:00