Tranter Cuira e St. Peter - Camiun ars cumplettamain sin la via dal Scanvetg

Mesemna suentermezdi è in camiun ars cumplettamain sin la via dal Scanvetg. Il chauffeur da 26 onns saja stà en viadi da Cuira vers San Peter, cura ch'el haja savurà fim, scriva la Polizia chantunala. El haja parcà ses vehichel sin ina guntgida. Cura ch'el saja sortì da sia cabina haja il camiun, ch'era chargià cun laina, cumenzà a brischar. Il chauffeur sez – cun dus stizzafieus – ed er ils pumpiers na sajan betg stads buns d'impedir ch'il vehichel è ars dal tut. La raschun per l'incendi sto anc vegnir sclerida.