In'automobilista è collidada cun duas plantas e cun ina pitga sin la via principala tranter Maiavilla e Landquart. L'auto saja sinaquai cupitgà e sa tschentà sin il tetg, ha la Polizia chantunala dal Grischun scrit. Radund 30 meters saja l'auto cupitgà pervi da l'emprima collisiun avant ch'el è stà airi.
L'accident è capità il suentermezdi da glindesdi, ils 13 da matg, curt avant las 13:00 – bun duas uras è la via stada serrada. La dunna da 72 onns saja sa blessada levamain. Perditgas han dà emprim agid a la dunna ed alarmà la polizia. Il servetsch da salvamanet haja transportà ella en l'ospital a Cuira per ulteriuras controllas, sco la Polizia chantunala ha scrit.
audio
Per tadlar: las novitads da las 12:00
ord RTR Audio dals 14.05.2024.
laschar ir. Durada: 6 minutas 7 Secundas.