Ils recurs da l’anteriur president da la Dretgira chantunala, Norbert Brunner, han fatg naufragi davant il Tribunal federal. Il 2020 aveva el survegnì in’admoniziun perquai ch’el aveva violà l’obligaziun d’uffizi. Sinaquai ha Brunner pretendì che la cumissiun ch’aveva decis quai, stoppia prender recusaziun. Suenter che las instanzas chantunalas han refusà ses recurs, han ils derschaders a Losanna uss decis da betg entrar sin il recurs.
Brunner è da l'avis che la cumissiun da giustia e segirtad dal Cussegl grond aveva gia furmà sia opiniun cura ch'ella ha tramess ad el il sboz da lur rapport final dal proceder dal dretg da controlla. Quai è scrit en la sentenzia publitgada oz.
Er ha il Tribunal federal refusà ses recurs constituziunal pervi da l’admoniziun. Questa procedura saja obsoleta, cunquai che Brunner haja demissiunà sco derschader chantunal. En pli ha il Tribunal federal refusà in recurs da l'anteriur derschader chantunal Peter Schnyder – ch'è er vegnì admonì – per il medem motiv: El na saja betg vegnì re-elegì.
Or da l'archiv:
