Siglir tar il cuntegn

Header

cuntegn

Triep Moesola Chantun ha sajettà in luf a Valragn

Ils survegliaders da chatscha dal chantun han sajettà in luf giuven dal triep Moesola. Quai la saira dals 9 d'october sin il territori da la vischnanca da Valragn. Il mastgel saja vegnì sajettà datiers dal territori abità, scriva l'Uffizi da chatscha dal Grischun sin sia pagina d'internet.

Il luf sajettà vegn uss examinà patologicamain al Center per medischina da peschs e selvaschina a Berna. L’examinaziun genetica vegn fatga al laboratori da biologia da l’Universitad da Losanna.

La lubientscha vala per dus lufs

L'Uffizi federal d'ambient ha dà la lubientscha ils 28 da settember 2022 per sajettar dus lufs giuvens dal triep da la Moesola en la regiun dal San Bernardino. Sco l'Uffizi federal d'ambient ha scrit en ina communicaziun, haja il chantun Grischun dumandà per la lubientscha ils 13 da settember.

Perquai ch'il triep ha chaschunà gronds donns, pon dus lufs giuvens vegnir sajettads. La finamira dal chantun è da midar entras la regulaziun il cumportament dal triep. Per cuntanscher quai duain ils lufs vegnir sajettads enturn ina scossa d'animals da niz ed en preschientscha da plirs lufs. La lubientscha da sajettar è limitada fin ils 31 da mars 2023.

RTR novitads 16:00

Artitgels legids il pli savens

Scrollar a sanestra Scrollar a dretga