La radunanza communala da Trin ha approvà cun gronda maioritad il credit da 160'000 francs per il project d’avertura «Uaul Grond». Uschia vegnan totalmain sis trajects da la via adattads als basegns actuals dal manaschi forestal. La ladezza da la via na sa mida però betg. Per betg impedir memia ferm il diever tant forestal sco turistic da la via, vegnan las lavurs repartidas sin ils onns 2024 e 2025. Bun la mesadad dals custs surpiglia il chantun.
En pli han ils da Trin ditg Gea al credit da 80'000 francs per cumprar ina part da scuar e da tschitschar per agiuntar a la maschina communala existenta. Preschentas a la radunanza eran 44 persunas.