Dumengia saira, enturn las 17:00, èn ina stalla ed ina chasa arsas a Tschappina en la Muntogna-Sura. Malgrà ch'ils pumpiers èn stads svelt al lieu, han els stuì laschar brischar la stalla dal tut e la chasa per gronda part. Tenor la polizia n'èn persunas ed animals betg stads periclitads.
Als pumpiers èsi dentant reussì d'impedir ch'il fieu sa derasia sin in bajetg vischinant. Quel ha dentant patì in donn d'aua. La Polizia chantunala sclerescha uss la causa da l'incendi.