Las votantas ed ils votants da Tumein han reelegì lur president communal per in'ulteriura perioda d'uffizi. Martin Wieland è actualmain il pli aut grischun sco president dal Cussegl grond.
La radunanza communala haja confermà cleramain Martin Wieland (PLD) sco president communal, communitgescha la vischnanca. En suprastanza è plinavant vegnì elegì nov Marco Schmid. Ils ulteriurs suprastants èn vegnids reelegids.
Ils da Tumein han plinavant approvà il preventiv 2021. Quel quinta cun ina sperdita da radund 300'000 francs tar expensas da 6,1 milliuns.
