En il tunnel da Silvaplauna hai dà ina collisiun frontala tranter in auto da persunas ed in camiun. Il manischunz dal camiun da 30 onns saja charrà sur la strivla da mez. Quai cura ch'in auto saja vegnì encunter, scriva la polizia chantunala. En l'auto sa chattavan il manischunz da 41 onns ed ina persuna da 23 onns.
Ils dus manischunzs sajan vegnids transports en l'ospital da Samedan per ina controlla. Il tunnel è stà serrà durant bun tschintg uras. L'accident è capità ier a bunura curt suenter las 5:00.
