Siglir tar il cuntegn

Header

video
Per cas d'urgenza en il tunnel da Vereina
Or da Telesguard dals 05.09.2022.
laschar ir. Durada: 2 minutas 55 Secundas.
cuntegn

Tunnel dal Vereina Viagiar tras il Vereina daventa anc pli segir

Per far intervenziuns d’urgenza en il tunnel dal Vereina, ha la Viafier retica ensemen cun l’Assicuranza d’edifizis dal Grischun cumprà dus novs vehichels per stizzar e dus novs vehichels per salvar.

Venderdi passà èn vegnids surdads a Claustra Selfranga ils novs vehichels d’urgenza als dus corps da pumpiers da Zernez e Claustra. Ensemen cun l’Assicuranza d’edifizis dal Grischun ha la Viafier retica modernisà per radund 12 milliuns francs en questa flotta.

Jau sun fitg cuntent. Ussa avain nus 4 vehichels top moderns che cumpiglia tut quai che dovra ozendi per executar in salvament.
Autur: Renato Fasciati directur Viafier retica

Manischads vegnan quests novs vehichels d’urgenza dals pumpiers sezs. Quai è dentant mo in da divers midaments encunter ils vegls vehichels.  

Schebain blera tecnica, han ins construì simpel. In grond pass vinavant. Oravant tut la capacitad è s'augmentada.
Autur: Andri Thom cumandant corp da pumpiers Zernez

Tanc da 25’000 liters

Il coc dal vehichel per stizzar è il tanc, cun ina pumpa che po furnir fin a 3’000 liters per minuta. 12 pumpiers han plazs da seser, vitiers vegnan quatter plazs sin pe en las cabinas dal manischunz.

Quests vehichels èn pronts entaifer var 3 fin 5 minutas. Quai vul dir che nus essan bler pli spert tar il eveniment.
Autur: Simon Rohner manader transport d'autos Vereina

Salvar fin a 100 persunas

Il vehichel da salvar è cunzunt construì per tgirar persunas blessadas, e per transportar quellas ord la zona da privel. Cun ils dus vehichels avant maun, che han diesel ed oxigen per dus viadis – pon ins evacuar en tut fin a 400 persunas.

RTR novitads 18:00

Artitgels legids il pli savens