Siglir tar il cuntegn

Header

cuntegn

Turissem en Grischun Ina buna prognosa per la stad

Ils turistichers grischuns quintan cun ina ulteriura buna stad. Ch'i dettia però gist anc ina giada in plus da bunamain 20% cumpareglià cun la media dals ultims 5 onns, quai na crai il president dals hoteliers grischuns Ernst Wyrsch dentant betg. Ils onns da corona sajan stads cas extrems. Las Svizras ed il Svizzers eran obligads da restar en Svizra durant las vacanzas e da quai ha la gastronomia pudì profitar. Cunquai ch'igl è ussa puspè pussaivel dad ir en l'exteriur dettia segir in minus cumpareglià cun l'onn avant, ha ditg Wyrsch envers il schurnal regiunal da SRF. Latiers vegn che las turistas ed ils turists or da la China mancan mumentan.

Mancanza da persunal

Ernst Wyrsch quinta cun 5 fin 10% pli paucas pernottaziuns cumpareglià cun la stad passada. Quai è en il rom da las prognosas ch'ils experts da BAK Basel fan per il Grischun. Quai na saja però betg nausch perquai ch'i saja a lunga vista anc adina in buna stad. Pli gronds quitads fa ad el la mancanza da persunal. Bain inqual hotel ed ustaria na possia il mument betg garantir il manaschi da stad.

RTR novitads 12:00

Artitgels legids il pli savens