Siglir tar il cuntegn

Header

cuntegn

Turissem Grischun Jürg Schmid: «Uss decida l'aspect psicologic»

Il turissem en il chantun Grischun pudess sa revegnir pli spert che quel en auters chantuns, uschia il president da Grischun Vacanzas, Jürg Schmid. Bun 15% da tut ils Svizzers che fan vacanzas en Svizra, fan quai en il chantun Grischun. Ch'ins haja era manchentà in pau il turissem da l'exteriur, da quai pudess il Grischun uss profitar suenter la crisa da corona.

Cunzunt envers il turissem da stad guarda il president da Grischun Vacanzas positiv. Tar il turissem d'enviern, ch'è per il Grischun pli impurtant, è la situaziun per il mument anc pli intscherta. Là dependia la stagiun fitg dal svilup dals proxims mais e cunzunt da la dumonda sch'i dettia ina segunda unda u betg. I dat perquai differents scenaris co il turissem d'enviern vegn ad esser. Sche las mesiras vegnan schluccadas vinavant vegnia dentant a dar in enviern ordinari, manegia Jürg Schmid.

RTR novitads 06:00

Artitgels legids il pli savens

Scrollar a sanestra Scrollar a dretga