Siglir tar il cuntegn

Header

cuntegn

Turissem grischun Main pernottaziuns il matg che l'onn passà

En il Grischun han pernottà damain giasts il matg, cumpareglià cun il matg 2022. En tut hai dà il matg stgars 160'000 pernottaziuns en hotels grischuns: il matg da l'onn passà eran quai anc bun 170'000.

Las differenzas regiunalas èn però grondas. In ferm minus ha registrà la destinaziun Tavau-Claustra cun minus 43%, l'onn passà ha dentant gì lieu il WEF durant il matg. Il pli ferm plus ha registrà Lai cun 50% dapli pernottaziuns.

Cuntrari è il svilup en Svizra. Là è il dumber da pernottaziuns creschì il matg per 14 % sin total 3,2 milliuns pernottaziuns.

Danunder vegnan ils osps?

Cumpareglià cun il 2022 hai dà var 15% main giasts da la Svizra, vul tranter auter che damain persunas han fatg vacanzas e viadis en l'agen pajais. Però èn vegnids daplirs gists or da la Germania, tge che correspunda er ad in trend a lunga vista: Cumpareglià cun la media dals davos tschintg onns hai dà 43% dapli giasts da là il matg 2023 (var 20'000 pernottaziuns).

Las cifras da las pernottaziuns porschan tant l'Uffizi chantunal per economia e turissem sco er l'Uffizi federal per statistica mintga mais.

audio
Per tadlar: las novitads da las 12:00
ord RTR Audio dals 06.07.2023.
laschar ir. Durada: 5 minutas 44 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga