Siglir tar il cuntegn

Header

cuntegn

Turissem Sawiris è uss cunpossesur da l'hotel Arosa Kulm

L'investur egipzian Samih Sawiris è uss cunpossesur da l'hotel Arosa Kulm. Quai communitgescha l'hotel Arosa Kulm. Sawiris haja cumprà ina cumpart da minoritad. Vinavant èsi vegnì communitgà, ch'el na fetschia betg part dal nov cussegl d'administraziun.

Sawiris vegnia a collavurar cun Urs Wietlisbach, in cunfundatur dal partenari Group. Lez aveva cumprà la primavaira 2022 l'hotel da luxus. Sawiris e Wietlisbach enconuschan in l'auter or dad investiziuns ch'els han gia fatg ensemen ad Andermatt e collavuran uss era ad Arosa.

Plans concrets per l'hotel Kulm na datti tenor la communicaziun anc betg. Il mument hajan ins bler giasts ed uschia hajan ils novs possessurs peda dad elavurar strategias e pussaivladads. Cun plans concrets pon ins quintar en la segunda mesadad da l'onn. Ins patratga vi da novs edifizis, dentant duai il caracter da l'hotel restar.

audio
Per tadlar: las novitads da las 06:00
ord RTR Audio dals 12.01.2023.
laschar ir. Durada: 6 minutas 12 Secundas.

RTR novitads 20:00

Artitgels legids il pli savens

Scrollar a sanestra Scrollar a dretga