A la staziun da tren a Tusaun hai dà il suentermezdi dal venderdi, ils 31 da matg, in accident mortal. In um da 64 onns è crudà tranter il perrun ed in tren ch'era vi da partir en direcziun Cuira. El è mort al lieu pervi da sias blessuras. Quai ha la polizia communitgà.
Schabegià saja l'accident perquai che l'um vuleva entrar il tren. Cura ch'el ha smatgà sin l'avraporta dal tren saja quel partì il medem mument. L'um haja sin quai pers l'equiliber ed è vegnì tratg sut il tren. La polizia chantunala e la procura publica grischuna sclereschan las circumstanzas da l'accident mortal.