Siglir tar il cuntegn

Header

video
En il Grischun restan las cifras da corona stabilas
Or da Telesguard dals 19.03.2021.
laschar ir
cuntegn

Uffizi da sanadad En il chantun Grischun restan las cifras stabilas

La situaziun en il chantun sa mussia stabila, ha ditg Marina Jamnicki envers las medias. In onn è passà dapi l'emprima conferenza da medias da la media chantunala dal Grischun. Dapi lura saja bler capità ma i dettia era in u l'autra perspectiva allegraivla.

I va vinavant cun il vaccinar, nus n'avain nagins cas pli en chasas d'attempads e la grippa na datti era betg pli.
Autur: Marina Jamnickimedia chantunala Grischun

En il chantun han gia varga 18'000 persunas survegnì l'emprim vaccin e bun 12'000 gia dus vaccins.

En cumparegliaziun cun la situaziun en l'entira Svizra sa mussian las cifras dal chantun Grischun stabilas. Cunzunt la strategia da tests portia fretg. 1/3 dals cas da corona vegnan chattads cun ils tests en fatschentas ed en las scolas.

Tests en scolas

Cun ils tests en scolas hajan ins pudì chattar ora bun 12 cas en las emprimas duas emnas. Ils tests gidian da pudair limitar infecziuns e da pudair garantir l'instrucziun en scola. Bun 95% da las scolas fan part a la strategia da testar en scola. En las scolas èn quest'emna radund 17'500 scolaras e scolars sco era scolastas e scolasts testadas.

audio
Per tadlar - curt e cumpact
00:44 min, RTR Audio dals 19.03.2021.
laschar ir. Durada: 00:44 minutas.

Situaziun en Grischun

Las cifras per il Grischun publitgescha RTR sin basa da las indicaziuns sin la pagina d'internet dal chantun.

Dapli cifras chattais en la survista da graficas dad RTR:

Ord l'archiv

Co chattan insumma ils scolars sezs da vegnir testads?

video
Pilot da testar en scolas grischunas
Or da RTR Social dals 08.01.2021.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga