L'um da 46 onns ha absolvì il studi d'economia publica e scienzias da finanzas a l'Universitad da Turitg, scriva la regenza en ina communicaziun. El ha tranter auter gì funcziuns strategicas tar la Posta Svizra e tar la Swisscom.
Reto Bleisch succeda ad Eugen Arpagaus ch'ha surpiglià l'entschatta da l'onn il manaschi dal Tecnoparc a Landquart. Arpagaus era adina puspè stà confruntà cun critica, surtut da la politica.