L’uniun da scolina Cuira transporta ils uffants en scolina e puspè enavos. Ils viadis per ils uffants èn differents, tgi ha mo duas minutas, tgi ha varga mes’ura per in viadi. Il factur decisiv è la ruta. Quella variescha mintga di, cunquai ch’il dumber d’uffants è mintga di in auter.
Avant ch’ils uffants arrivan da la scolina per ir cun il bus vers chasa, ha la chauffeusa Pierina Bischofberger da planisar la ruta. Cun ina buna ruta, sa lascha spargnar temp:
video
Pierina Bischofberger planisescha la ruta
Or da RTR dals 10.02.2016.
laschar ir. Durada: 16 Secundas.
La chauffeusa, che ha sezza dus uffants, sa nua ch’ils pitschens passagiers han da sortir dal bus. Avant da partir studegia Pierina Bischofberger nua ch'igl è il meglier dad ir atras. Ruta directa u tuttina na?