Las stallas da Nadal han ina lunga tradiziun. Sco fundatur da quella tradiziun vegn considerà Francestg D'Assisi. El ha preschentà l'onn 1223 l'emprima giada l'istorgia da Nadal cun persunas ed animals.
Stallas da Nadal en maletgs ed istorgias
Il plevon Giovanni Bargetzi ha fatg persenn che la tradiziun da la stalla da Nadal va pli e pli fitg en emblidanza. En sia curta publicaziun «Kleine Kunstschätze – Weihnachtskrippen in Domat/Ems» vul Bargetzi perquai laschar reviver la tradiziun da las stallas da Nadal. Quai ch'el ha scuvert tar famiglias a Domat declera ed illustrescha el en sia publicaziun.
Perfin il pizzaiolo en stalla
Durant ses viadi ha Giovanni Bargetzi er chattà stallas ord autras culturas. En sia publicaziun preschenta el tranter auter stallas che fan surstar. Ina da quellas surpraisas – cun ina lunga tradiziun – è ina stalla da Napoli. La stalla da tuttas colurs consista ord pliras stanzas e mussa la vita dal mintgadi e las differentas lavurs. Perquai tutga er in pizzaiolo tranter las figuras.
RR actualitad 08:10