Legenda:
Il lieu d'accident curt davant il vitg da San Peter en direcziun d'Arosa.
MAD / Polizia chantunala
cuntegn
Ulteriur Grischun - Accident mortal da motociclist a San Peter
La dumengia suentermezdi era in motociclist da 58 onns cun ina motoretta da viadi da Cuira en direcziun Arosa. En ina curva a sanestra ha l’um pers la controlla sur da ses vehichel ed è collidà cun ina pitga da metal.
La dumengia da las 12:40 uras ha in um che charrava cun sia motoretta pers la controlla da ses vehichel ed è collidà cun ina pitga da fier d’ina saiv. Quai communitgescha la Polizia chantunala.
L’um da 58 onns è vegnì sdermanà diesch meters d’ina spunda taissa giu. Ils medis da la Rega ed ulteriuras persunas han anc empruvà da reanimar l’um, ma sco la polizia scriva, saja el anc mort al lieu.
