Las bancas GKB ed UBS pajan 400'000 francs a la massa da concurs da l'interpresa fiduziaria Allemann, Zinsli & Partner SA. Uschia rapporta la Südostschweiz, sa referind sin in scirver da l'uffizi da concurs Plessur.
Quai saja il resultat da duas enclegientschas extragiudizialas. La stad passada aveva l'uffizi da concurs Plessur purtà plant cunter las duas bancas, perquai ch'ellas duain avair violà considerablamain lur obligaziun da diligenza en connex cun il concurs.
