Arosa ha survegnì mesemna ses emprim urs per il parc d'urs. Il mardi è l'urs «Napa» sa mess sin viadi en in transporter da Palic en Serbia enfin Arosa. Mesemna da mezdi è il team da transport cun l'urs lura arrivà sisum il Scanvetg. Il davos toc è l'animal vegnì transportà cun la gondla envers il Weisshorn sur Arosa. L'urs «Napa» ch'è stà ditg in urs da circus survegn in nov da chasa ad Arosa. Il parc d'urs è trais hectaras gronds e porscha prà, guaud, in lajet sco era grippa e crappa.
-
Bild 1 von 7. En quest vehichel è l'urs vegn?i transportà ils 1'400 kilometers da Palic en Serbia si Arosa. Bildquelle: RTR, Selina Chistell .
-
Bild 2 von 7. L'urs è vegnì transportà d'Arosa enfin tar la staziun amez dal Weisshorn cun la gondla. Bildquelle: RTR, Selina Chistell .
-
Bild 3 von 7. Sin visurs han ils aspectaturs pudì persequitar co l'urs ha fatg ses emprims pass o da la chista sin il terren dal parc d'urs Arosa. Bildquelle: RTR, Selina Chistell .
-
Bild 4 von 7. Il nov territori da l'urs Napa:. Sper la staziun amez dal Weisshorn è il parc d'urs ch'ha ina surfatscha da trais hectaras. Bildquelle: RTR, Selina Chistell .
-
Bild 5 von 7. Medias sco er giasts ed indigens èn sa rimnads la mesemna per vesair l'arrivada da l'urs. Bildquelle: RTR, Selina Chistell .
-
Bild 6 von 7. La nova survista da l'urs Napa. Bildquelle: RTR, Selina Chistell .
-
Bild 7 von 7. L'urs Napa en ses nov abitadi ad Arosa. Bildquelle: MAD, Vier Pfoten.
In viadi da bunamain 30 uras
L'urs è vegnì transportà en in'ambulanza speziala, il viadi da bun 1'400 kilometers ha cuzzà bunamain 30 uras, uschia Arosa Turissem. Il viadi è ì davent da la Serbia tras la Croazia, la Slovenia, l'Austria, la Germania enfin ch'el è arrivà en sia nova patria en il Grischun. Per ch'el giaja en sia chista da transport ha el stuì vegnir narcotisà. Durant il viadi è el dentant stà senza anestesia.
Uss duai l'urs daventar la nov'attracziun dad Arosa Turissem e carmalar giasts en la regiun. Da l'autra vart porscha Arosa Turissem er in nov da chasa ad in urs ch'è vegnì maltractà e tegnì en relaziuns schletas. Napa è stà ditg in urs da cirucus entochen che l'organisaziun «Vier Pfoten» ha salvà e mess el en in zoo datiers da Belgrad. Dapi il 2016 spetga el sin in nov da chasa.
RR actualitad 17:00