Ulteriur Grischun - Arosa: Nova lescha da turissem va da la glatscha giu
La nova lescha da turissem da la vischnanca d'Arosa va da la glatscha giu. Il suveran d'Arosa ha refusà la lescha davart las taxas da giasts e da turissem cun passa 60 pertschient da las vuschs: 597 han ditg na e 378 han ditg gea.
La nova lescha avess procurà per dapli entradas per l'organisaziun da turissem. In emprim sboz da la nova lescha aveva il parlament d'Arosa gia refusà il favrer passà. Cun passa 62% da las vuschs han ils d'Arosa dentant approvà dapli daners per la meglieraziun St. Peter-Pagig/Peist. La participaziun è stada tar passa 43%.
