Legenda:
L'aviun senza motor crudà en la regiun alpina dal Tschuggentälli sur Tavau.
MAD Polizia chantunala
cuntegn
Ulteriur Grischun - Aviun senza motor crudà: Probabel collidà cun il terren
Cura ch’in aviun senza motor è crudà giu l’october 2017 en il Tschuggentälli sur Tavau, era il pilot probablamain collidà avant cun il terren. La raschun exacta per la crudada na po la Sust betg eruir.
Il pilot da 62 onns cun experientscha, ch’aveva sa laschà trair en l’aria da l’eroport da Bogn Ragaz anora, era mort tar l’accident. L’um purtava anc il paracrudader betg avert, cura ch’ins al ha chattà mort.
Il Servetsch svizzer d'inquisiziun da segirezza Sust suppona che l’aviun senza motor è collidà cun il terren, entant ch’el sa chattava anc en in sgol manà. La raschun per l’accident restia la finala dentant betg sclerì.
