Il 2006 ha Benni Raich gudagnà duas giadas aur als gieus olimpics a Turin, plinavant è Raich vegnì trais giadas campiun mundial ed el ha tranter auter er gudagnà il 2006 la cuppa mundiala generala.
Gronds success ha l’Austriac er festivà en Svizra. Sin la plaunca legendara dal Chuenisbärgli ad Adelboden ed a Wengen è Benni Raich stà otg giadas sisum il podest.
Ils 10 da settember ha Benjamin Raich dà adia ed ha terminà sia lunga carriera cun 36 victorias en la cuppa mundiala, ina pli pauc che sia dunna Marlies Schild, oz Raich. Per Benjamin e Marlies, ils dus anteriurs spezialists en las disciplinas tecnicas, stat oz en emprima lingia la famiglia en il center. Ils 20 d’october èn els vegnids per l’emprima giada geniturs d'in buob, il figl Josef.