La partenza da la ruschnera è da nov sin il tetg dal bogn, ina stgala radunda maina ensi tras ina rusna en il tetg oriund. Tut è dentant serrà e stgaudà. L'arrivada n'è da nov betg pli en il bogn per nunnudaders mabain separà tranter quel e l'extrada a la part dadora dal bogn.
La nova ruschnera è dubel uschè lunga sco la veglia ed en l'intern è ella per part illuminada e i dat da vesair maletgs da squagls e da serps. L'avertura per la publicitad ha lieu sonda ils 10 da settember a partir da las 09:00.
750'000 francs
Tant ha la nova ruschnera custà cun tut las lavurs da construcziun. La ruschnera è be in dals projects ch`èn vegnids realisads vid il bogn. Il plantschieu sura è vegnì sanà per 1,1 milliuns francs ed il bogn da vapur per 160'000 francs. Actualmain vegn anc la terassa da l'ustaria sanada. Las lavurs duain tenor il manader dals iplants da sport, Markus Giger, esser terminadas la fin settember e custar radund 320'000 francs.
-
Bild 1 von 4. L'avertura per las medias cun il president da la citad Urs Marti ed ina classa da scola da Cuira. Bildquelle: RTR, Gion Gieri Flepp.
-
Bild 2 von 4. Ils uffants na pon betg spetgar d'empruvar la nova ruschnera. Bildquelle: RTR, Gion Gieri Flepp.
-
Bild 3 von 4. La ruschnera plascha a las primas ruschnadras e ruschnaders. Bildquelle: RTR, Gion Gieri Flepp.
-
Bild 4 von 4. Il president da la citad Urs Marti è satisfatgs che la ruschnera plascha als uffants. Bildquelle: RTR, Gion Gieri Flepp.