Legenda:
En l'avegnir fan ils bus da Cuira ils transports dals uffants da la scolina bilingua.
RTR, H.Schär
cuntegn
Ulteriur Grischun - Bus da Cuira per la scolina bilingua
A partir da l’onn da scola 2016/17 organisescha la citad da Cuira il transport accumpagnà dals uffants da las scolinas bilinguas. Quai en cooperaziun cun il bus da Cuira, uschia communitgescha la chanzlia. Davent l’emprima classa èn lura previs abunaments per il traffic da bus regular.
Enfin ussa aveva l'Uniun da scolina Cuira organisà il transport d'uffants sin agens custs. L’entschatta da favrer aveva la Dretgira administrativa dal Grischun obligà la citad da Cuira da surpigliar ils custs da transport per ils uffants che visitan la scolina bilingua rumantsch-tudestga a Cuira.
