La chasa da dimora e da tgira «Casa Fiora» a Zizers po vegnir engrondida. La regenza grischuna ha approvà la revisiun parziala da la planisaziun locala che la vischnanca ha decis l’atun passà. Il dumber da letgs duai vegnir augmentà da 41 sin 62. Per quest intent è planisà da bajegiar in nov edifizi vitiers l’existent. La raschun principala d’engrondir la chasa da tgira è la serrada da la chasa da persunas attempadas «Sankt Johannesstift».
RR novitads 10:00