Ulteriur Grischun - Chattà bara d'in um a Tavau Wiesen
La dumengia saira è vegnì chattà mort in um en la chavorgia Zügen a Tavau Wiesen. Sco quai che la polizia chantunala communitgescha, hajan dus umens alarmà la polizia la dumengia cura ch'els han chattà la bara da l'um.
Legenda:
Il pestgader era crudà sur ina paraid crap cura ch'el è descendì en la chavorgia.
MAD, Polizia chantunala
Ils dus umens che han chattà la bara en la chavorgia han alarmà la dumengia saira enturn las 17:30 la polizia. Tar il mort sa tractia probabel d'in pestgader ch'è crudà sur ina paraid crap cura ch'el è descendì en la chavorgia. La polizia sclerescha las circumstanzas.
