-
Bild 1 von 5. La passarella è deponida dapi varga 2 onns sin l'areal da la «Bettlerküche». Bildquelle: RTR, S. Degonda.
-
Bild 2 von 5. Bunamain 13 meters lunga, sur 4 meters auta e 3 meters lada, tant mesira la veglia colliaziun tranter la Villa Planta e la chasa Sulser. Bildquelle: RTR. S. Degonda.
-
Bild 3 von 5. La fatschada da la passarella è construida ord lungas lattas da lenn avant ina front da glas. Bildquelle: RTR, S. Degonda.
-
Bild 4 von 5. Quant ditg che la passarella vegn a restar sil l'areal da la citad da Cuira n'è betg cler. Bildquelle: RTR, S. Degonda.
-
Bild 5 von 5. Dals onns otganta fin l'onn 2012. è la passerella stada la colliaziun tranter la chasa Sulser e la Villa Planta dal museum d'art. Bildquelle: RTR, E. Berther.
Patrick Gartmann, l'architect da Cuira che posseda la passarella survegn ina brev da la citad da Cuira. El sto allontanar la passarella enfin la fin da l'onn, uschiglio dismetta la citad ella, sin donn e cust da Gartmann. La citad haja mess a disposiziun avunda ditg gratuitamain in lieu per la passarella, la pazienza saja fin, di Tom Leibundgut. Patrick Gartmann n'è betg stà cuntanschibel.
Cumprà per ina summa da tschintg cifras
Cura che la chasa Sulser è vegnida disfatga en favur dal nov bajetg dal museum d’art grischun, ha l'architect Patrick Gartmann da Cuira cumprà la passarella, perquai ch’il chantun n'ha vesì nagin'utilisaziun per l’anteriura colliaziun tranter il museum d’art vegl ed il bajetg annex. Plans concrets tge far cun la passarella n'ha Patrick Gartmann mai propi menziunà ils ultims trais onns.
passarella
Colliaziun da gronda valita
Ils onns otganta è questa passarella vegnida bajegiada per colliar la Villa Planta cun la chasa Sulser, cura ch'il museum d’art e vegnì engrondì sin quests dus bajetgs.
Responsabels per questa renovaziun èn stads ils architects Peter Calonder, Hans-Jörg Ruch e Peter Zumthor. Dapi l’onn 2009, cura che Zumthor ha gudagnà il premi Pritzker, la pli auta distincziun per architects, vegnan las lavurs dad el observadas cun fitg grond'admiraziun.
Ord l'archiv:
RR actualitad 08:00